1606 :

Et d'iellec sommes entrés dans la grand chambre qui est au costé de lad. salle dans laquelle s'est trouvé une ville6 pièce de tapisserie faicte de personaiges où est représanté la vye de monsieur sainct Hubert, estant en neufz pièces.Plus ung grand chaslict de noier ferré et en forme de pavilhion garny d'une garnyture de veloux vert aveq des bandes faictes au petit point, crépyne et frange de soye beuf, incanat, blan et vert, avec des ridaux de taffetas vert garnys de franghon et de passement de soye de mesme colleur, aysin une contrepincte de taffetas vert au dessus de laquelle y a une meschante couverte de layne yerte aveq une coitte, cuissin et materas.

Plus ung aultre petit chaslict faict de mesme que le précéddant, garny et couvert d'une estamyne de colleur de vert fors uzée aveq la couverte de mesme estoffe, coitte et cuissin.

Plus une table de noier aveq son pied. Ung vieux tappis de Turquye. Plus ung petit dressoir de noier. Plus ung aultre petit tappis de Turquye servant à metre sur led. dressoir. Plus deux landiers de fert aveq leurs pomes de civre. Plus deux vielles chaises garnyes de cuir rouge.

Et d'iellec sommes entrés dans la chambre de lad. dam, appellé du Soleil

1614 :

Et dans la grand chambre dud. chasteau c'est trouvée thappissée de tous coustés de neufz pièces de thappisserie de Fellestin où est contenu et figuré l'istoire de Sainct Hubert en plusieurs personnaiges et figures de diverses coulleurs. Un chaslict de noyer de menizerie garny d'ung lict de plume, d'ung matherats et cussin, trois couvertes de cathellogne, ensamble de son tour de lict de sattin cramoiezin en broderie d'or et d'argent où il y a trois pantes, ciel et douciel de taffettas garny de grand passement d'or à jour en broderie incarnat, et trois rideaulx dud. taffettas de mesme colleur et une bonne grace de la mesme broderie garny de quatre pommes. Plus ung aultre chaslict de noyer aussy de menuzerie garny de coiestre, cussin de plume, couverte de cathellogne et une aultre couverte estamine, ung tour de lict d'estamine d'Auvergne faict à l'impérialle avec les rideaulx et bonne grace de lad. mesme estoffe et colleur de pourpre garni de cinq pommes au dessus. Ung dressoir servant de buffet garni d'ung thappis de Turquie de plusieurs coulleurs.

Une table de noyer menuzerie garnie d'ung tappis drapt vert.

Ung paire de landiers de fert garnis de quatre pommes de cuivre, palle et tennailhes fert.

A la garderobe estant accousté de lad. chambre c'est trouvé une grand table de noyer avec ses tracteaulx de chaisne.

Et d'illec nous sommes transportés aussy dans une aultre chambre estant accousté de la susd. appellée du Solleilh,

Undefined